Rakel Rán Sigurbjörnsdóttir
Fjölskyldufræðingur
-
Börn undir grunnskólaaldri og umönnunaraðilar þeirra
Fjölskyldur sem eru í þjónustu hjá barnaverndarnefndum
Fósturbörn og fósturforeldrar
Börn sem hafa orðið fyrir tengslarofi
Foreldrar með fíknivanda eða annan geðvanda
-
Rakel Rán notast við tengslamiðaða fjölskyldumeðferð með áherslu á geðheilsu ungra barna og umönnunaraðila þeirra. Meðferðin byggir á fjölskyldumeðferð, tengslakenningum (e. attachment theory) og sálgreiningu (e. psychoanalytic models) og er studd af kenningum um þroska barna (e. child development theory) og rannsóknum í taugavísindum. Á ensku er talað um meðferðir af þessu tagi sem Parent-Infant meðferðir og eru þær notaðar allt frá meðgöngu til fimm ára aldurs barns, misjafnt eftir aðferðum þó. Þegar talað er um foreldra í þessu samhengi á það við um alla foreldra, óháð því hvernig foreldrið kom inn í líf barnsins.
-
Rakel Rán útskrifaðist með meistaragráðu í fjölskyldumeðferð frá félagsráðgjarfadeild Háskóla Íslands árið 2011. Hún lauk einnig námi á meistarastigi í Parent-Infant Mental Health frá sálfræðideild Univeristy of Massachusettes Boston árið 2015.
Hún hefur setið fjölda námskeiða, fyrirlestra og ráðstefna um málefni tengd fjölskyldumeðferð, geðtengslum og áföllum. Meðal námskeiða eru:
Circle of Security Parenting. Circle of Security International.
Foster Pride. Barnaverndarstofa.
Trauma Focused CBT. Endurmenntun Háskóla Íslands.
Parent-Infant Psychotherapy. Anna Freud Center, London.
Therapeutic Parenting. Sarah Naish.
Newborn Behavioral Observation. Brazelton Institute, Boston.
Hypnotherapy. Diploma í meðferðardáleiðslu.
Áhugahvetjandi viðtalstækni námskeið á vegum LHS.
Áfengis- og vímuefnaráðgjöf. Ráðgjafarskóli Íslands.
Sálræn skyndihjálp. Rauði krossinn.
-
Frá 2011 hefur Rakel Rán að mestu starfað sjálfstætt sem fjölskyldufræðingur ásamt því að starfa á stöðum þar sem unnið er að velferð barna og umönnunaraðila. Má þar nefna forvarnar- og meðferðarteymi barna HSS, Miðstöð foreldra og barna, sem deildarstjóri barnaverndar á norðanverðum Vestfjörðum og sem fósturforeldri tveggja ungra barna.
Fyrir árið 2011 starfaði hún meðal annars sem ráðgjafi á Landspítala háskólasjúkrahúsi í tæp fimm ár, bæði á Teigi (áfengis- og vímuefnameðferð) og á dagdeild átraskana. Þá hefur hún einnig starfað á leikskólum og sambýlum, svo eitthvað sé nefnt.